«Атлетык» падолеў «Шахцёра» і пакінуў БАТЭ на астатнім месцы

Барысаўскаму БАТЭ неабходна ў заключным туры Лігі чэмпіёнаў 10 снежня падолець на выездзе гішпанскі «Атлетык».

Без гэтага заняць трэцяе месца па выніках групавога этапу Лігі чэмпіёнаў і выступіць у 1/16 фіналу Лігі Еўропы беларусам не ўдасца, піша БелаПАН.

Пасля пятага тура ў групе Н, які прайшоў 25 лістапада, беларускі клуб апусціўся з трэцяга на чацвёрты, астатні радок. БАТЭ прайграў дома «Порту» - 0:3 (Эрэра, 56, Марцінес, 65, Тэльо, 89), а «Атлетык» на выездзе адолеў «Шахцёра» - 1:0 (Сан Хасэ, 68).

Становішча каманд: «Порту» - 13 балаў (розніца мячоў 15-3), «Шахцёр» - 8 (14-3), «Атлетык» - 4 (3-6), БАТЭ - 3 (2-22).

На сваім полі барысаўчане падолелі «Атлетык» з лікам 2:1