Беларусь зацвердзіла дэмаркацыю мяжы з Украінай
1- 26.11.2014, 12:07
- 7,256
Савет міністраў Беларусі зацвердзіў міжурадавае беларуска-украінскае пагадненне аб дэмаркацыі мяжы з Украінай.
У дакуменце даручана міністэрству замежных спраў накіраваць паведамленне аб выкананні Беларуссю ўнутрыдзяржаўных працэдур для ўваходжання ў дзеянне пагаднення, піша «Інтэрфакс-Украіна».
Кабінет міністраў Украіны зацвердзіў аналагічнае пагадненне 12 лістапада гэтага года.
Лукашэнка 1 верасня 2014 года падпісаў указ N422 «Аб дэмаркацыі Дзяржаўнай мяжы Рэспублікі Беларусь з Украінай».
Дагавор аб дзяржаўнай мяжы быў падпісаны 12 траўня 1997 года, ратыфікаваны Вярхоўнай Радай Украіны 18 ліпеня 1997 года. Лукашэнка падпісаў закон «Аб ратыфікацыі Дагавора паміж Украінай і Рэспублікай Беларусь аб дзяржаўнай мяжы» 17 траўня 2010 года.
Беларускі бок увязвае дэмаркацыю з выплатай Кіевам ягоных абавязанняў у запазычанасці перад Менскам. Летам 2010 года Украіна прызнала запазычанасць перад Беларуссю сумаю $134 млн.
Дэмаркацыйнай дагавор паміж Украінай і Беларуссю ўвойдзе ў дзеянне 18 чэрвеня 2013 года.
14 сакавіка 2013 года ў Луцку на даручэнне урадаў Украіны, Беларусі і Польшчы кіраўнікі трох пагранічных ведамстваў падпісалі пагадненне аб пункце стыку дзяржаўных межаў. Тады была завершаная работа ў пазначэнні лініі украінска-польскай дзяржаўнай мяжы на мясцовасці і адначасова дадзены старт такой працы на ўкраінска-беларускай мяжы.