Некаторыя паслугі ДАІ падаражэлі на 14-25%

Апублікаваныя новыя кошты на паслугі ДАІ.

У Беларусі з 31 кастрычніка 2014 павялічыліся тарыфы на паслугі, якія надаюцца Дзяржаўтаінспекцыяй (ДАІ) МУС, у тым ліку па выдачы копій дакументаў, паведамілі ў міністэрстве эканомікі.

Там патлумачылі, што такая пастанова замацаваная пастановай Мінэканомікі N68, якая ўваходзіць ў дзеянне з 31 кастрычніка 2014 года.

У прыватнасці, кошт паслугі выдачы копій камплектаў дакументаў, якiя паслужылi падставай для ажыццяўлення рэгiстрацыйных дзеянняў у дачыненні да транспартнага сродку, цяпер складае Br25 тыс (раней Br22 тыс, рост на 13,6%).

Кошт паслугі выдачы копій камплекта матэрыялаў справы аб адміністрацыйным правапарушэнні павялічаны з Br25 тыс да Br30 тыс (на 20%), піша «Інтэрфакс».

За выезд супрацоўніка ДАІ для прыёму на месцы размяшчэння навучальнай арганізацыі кваліфікацыйнага экзамену на права кіравання механічным транспартным сродкам, правядзення заняткаў Правілаў дарожнага руху цяпер давядзецца заплаціць Br50 тыс замест Br40 тыс (рост на 25%).

У Мінэканомікі адзначылі, што павышэнне тарыфаў праведзенае з мэтай паэтапнай ліквідацыі стратнасці паслуг, што надаюцца ДАІ.