Знішчальнікі НАТА перахапілі расейскі самалёт-выведнік
14- 6.11.2014, 20:00
- 23,568
Знішчальнікі НАТА перахапілі над Балтыйскім морам чарговы расейскі ваенны самалёт-выведнік.
Пра гэта ў чацвер, 6 лістапада, паведамляе "Дождь" са спасылкай на агенцтва Bloomberg.
Як адзначаецца ў Twitter войска Латвіі, знішчальнікі F-16, якія бізіруюцца ў Балтыйскім рэгіёне, перахапілі расейскі самалёт-выведнік Іл-20 каля латвійскіх тэрытарыяльных вод.
NATO Baltic Air Policing QRA F16 jets on 6 NOV scrambled to intercept RU Armed Forces Il-20 over the Baltic Sea.
— NBS (@Latvijas_armija) listopad 6, 2014Прэс-сакратар Узброеных сіл Расеі адмовіўся каментаваць гэтую сітуацыю.
У НАТА адзначылі, што ў 2014 годзе знішчальнікі Паўночнаатлантычнага альянсу перахапілі ўжо 100 самалётаў, што ўтрая больш, чым у 2013 годзе.
3 лістапада камандуючы сіламі НАТА ў Еўропе генерал Філіп Брыдлаў заявіў, што палёты расейскіх ваенных самалётаў у еўрапейскай паветранай прасторы набылі правакацыйны характар.
Раней іншы прадстаўнік НАТА, палкоўнік Марцін Даўні заявіў, што ў канцы кастрычніка сілы НАТА знаходзілі і суправаджалі самалёты ВПС Расеі ў паветранай прасторы над Атлантыкай, Балтыйскім і Паўночным морамі.
