Лекары змагаюцца за жыццё дзяцей, чый бацька парэзаў іх, а потым учыніў аварыю ў Менску

Лекары змагаюцца за жыццё дзяцей кіроўцы «Аўдзі А8», які парэзаў іх, а потым учыніў буйное ДТЗ на вуліцы Гая, у якім загінулі два чалавекі.

Як паведамляе тэлеканал ОНТ, стан дзяцей - трохгадовага хлопчыка і дзесяцігадовай дзяўчынкі - цяжкі, але стабільны.

Нагадаем, учора каля 10 гадзін кіроўца 1976 года нараджэння, кіруючы аўтамабілем «Аўдзі А8», дапусціў сутыкненне з некалькімі транспартнымі сродкамі средствами. Следствам устаноўлена, што ён сутыкнуўся з аўтамабілем «Аўдзі 100», пасля чаго пашкодзіў яшчэ некалькі прыпаркаваных уздоўж дарогі аўтамабіляў.

У выніку дарожна-транспартнага здарэння кіроўца і пасажыр «Аўдзі 100» памерлі на месцы. Вінаваты таго, што здарылася спрабаваў уцячы з месца здарэння, аднак быў затрыманы супрацоўнікамі міліцыі. З ім працуюць следчыя. Прызначаны шэраг экспэртных даследаванняў, у тым ліку судова-медыцынская і аўтатэхнічная. У кіроўцы «Аўдзі А8» адабраныя біялагічныя ўзоры на прадмет ужывання алкаголю, наркатычных сродкаў і псіхатропных рэчываў.