Нямцоў: Чакайце росту тарыфаў на газ
6- 9.11.2014, 19:58
- 24,342
Лідэр расейскай апазіцыі пракаментаваў пагадненні аб пастаўках расейскага газу ў Кітай.
Расейскі «Газпрам» і кітайская CNPC падпісалі рамачнае пагадненне аб пастаўках расейскага газу па «заходняму маршруту» - праз газаправод «Алтай» ў Заходняй Сібіры.
У адказ на гэта Барыс Нямцоў напісаў на сваёй старонцы ў Фэйсбуку:
- Памятаеце ў траўні ў Пекіне Пуцін і Мілер заяўлялі, што кантракт стагоддзя аб пастаўках газу ў Кітай падпісаны? Колькі было пафасу і захапленняў агітацыйнай прапаганды пра разварот ад Еўропы ў бок усходняга гіганта.
Дык вось, спадары, не было ў траўні ніякага кантракту. Не было ніякай дамоўленасці пра кошты.
Яны ўсе хлусілі.
Толькі сёння Мілер гэта прызнаў, заявіўшы, што пытанне кошту канчаткова ўрэгуляванае толькі цяпер.
Пры гэтым, кітайцы даваць аванс у 25 млрд даляраў не будуць. Так што травеньскія заявы Пуціна на гэтую тэму таксама хлусня.
Кітайцам, шчыра сказаць, не асабліва патрэбен газпрамаўскіх газ. Яны ўжо закупілі туркменскі ніжэй за 300 даляраў і аб'ёмы паставак там прадугледжаныя 66 млрд кубоў, што амаль у два разы больш, чым Сіла Сібіры (38 млрд у год).
Сам продаж газу ў Кітай - буйная афёра. Праект будзе даражэйшы за 55 млрд $, і ён стратны. Больш таго экспарт у Кітай будзе вызвалены ад падатку на здабычу карысных выкапняў (ПЗКВ). Не выключаю, што ў наступстве давядзецца і ад экспартных пошлін вызваляць. Вось і атрымліваецца, што рускі народ будзе субсідаваць экспарт у Кітай.
Заўважу, продаж газу ў Еўропу ідзе больш высокімі коштамі і Газпрам ніхто ад падаткаў не вызваляе.
Ва ўмовах санкцый, Газпраму будзе цяжка знайсці грошы. Адзіная крыніца - рускі народ.
Чакайце росту тарыфаў на газ.