У Менску з'явяцца праязныя выходнага дня

Праязныя выходнага дня і на далёкасць паездак плануецца ўкараніць у Менску ў 2015 годзе.

Пра гэта паведаміў генеральны дырэктар транспартнага камунальнага ўнітарнага прадпрыемства «Менсктранс» Лявонцій Папянок на аператыўнай нарадзе ў Менгарвыканкаме, паведамляе карэспандэнт БелТА.

«У 2015 годзе ў Менску неабходна пашырыць сетку продажу і папаўнення бескантактавых праязных квіткоў праз інфакіёскі, банкаўскія тэрміналы, тэрміналы самаабслугоўвання, а таксама ўвесці ў абарот новыя віды праязных: выхаднога і рабочага дзён, на далёкасць паездкі і гэтак далей», - сказаў Лявонцій Папянок .

Ён адзначыў, што пры дзеючым тарыфе аплаты за праезд у памеры Br4 тысяч сабекошт перавозкі аднаго пасажыра ў кастрычніку ў наземным транспарце горада склаў Br8,4 тысяч, на метро - Br7,1 тысяч. Акупнасць перавозак у грамадскім транспарце Менска за дзесяць месяцаў гэтага года склала 48,6%, у тым ліку што да метрапалітэну - 57,9%, наземнага транспарту - 43,7%, прыгарадных перавозак - 41,8%.

Дзяржпрадпрыемства «Менсктранс» абслугоўвае 188 гарадскіх аўтобусных, 59 тралейбусных, 9 трамвайных маршрутаў і дзве лініі метро. Жыхароў і гасцей горада перавозяць 1756 аўтобусаў, 998 тралейбусаў, 139 трамвайных вагонаў і 361 вагон метрапалітэна. Паслугамі гартранспарту ў Менску штодня карыстаюцца больш за 2 млн чалавек.