Дэпутаты Рады падтрымалі праграму Яцэнюка
- 11.12.2014, 15:07
- 7,817
Народныя дэпутаты Украіны разгледзелі і прынялі праграму дзейнасці Кабінета міністраў, якую сёння прэзентаваў Арсень Яцэнюк.
За адпаведную пастанову на пленарным пасяджэнні Рады прагаласавалі 269 парламентарыяў пры неабходным мінімуме ў 226 галасоў, піша «Карэспандэнт».
Як заявіў прэм'ер-міністр Арсень Яцэнюк, праграма створаная на падставе шэрагу палажэнняў кааліцыйнага пагадненне і ўяўляе сабой курс на еўраінтэграцыю. Праграму прынялі з адпаведнымі папраўкамі і прапановамі дэпутатаў.
Разам з тым перад яе прыняццем прадстаўнікі некалькіх фракцый выступілі з жорсткай крытыкай. Прынамсі, старшыня фракцыі Блок Пятра Парашэнкі Юрый Луцэнка падчас разгляду праграмы заявіў, што праграма дзейнасці Кабінета міністраў не адлюстроўвае імкненняў кааліцыі. Ён адзначыў, што ў гэтай праграме ўрада не заўсёды пазначаныя тэрміны і выканаўцы прапісаных палажэнняў.
У апазіцыйных блоках назвалі прапазіцыі Яцэнюка «чыста дэкларатыўным дакументам».
Нагадаем, Кабінет міністраў Украіны на сваім пасяджэнні 9 снежня зацвердзіў праграму дзейнасці ўрада. Сярод іншага, у новай праграме ўрада - скарачэнне дзяржапарату, падатковая рэформа, адмова ад пазаблокавага статусу Украіны, павышэнне да рынкавага ўзроўню тарыфаў на спажыванне энэргіі і энэрганосьбітаў, укараненне страхавой медыцыны.