«Камуналка» ў Менску вырасла

Улады Менска на 5,8% падвысілі тарыфы на жыллёва-камунальныя паслугі.

Адпаведная пастанова зацверджаная пастановай Менгарвыканкама 24 лістапада 2014 №2913, якая сёння апублікаваная на Нацыянальным прававым інтэрнэт-партале.

Тарыф на паслугі тэхнічнага абслугоўвання жылых дамоў складзе Br709,6 у месяц за 1 кв м агульнай плошчы жылога памяшкання. Тарыф на водазабеспячэнне павялічаны да Br1182,5 за 1 куб м, на каналізацыю - да Br768,6 за 1 куб м. Карыстанне ліфтамі складзе Br2779 з аднаго жыхара ў месяц.

Пастанова ўваходзіць у дзеянне пасля яе афіцыйнага апублікавання.