Навукоўцы рэкамендуюць пачынаць абед з дэсерту

Гэта дапаможа схуднець.

Брытанскі навуковец доктар Джэймс Гардынэр мяркуе, што невялікая порцыя салодкай ежы перад пачаткам трапезы дапаможа кантраляваць апетыт і з'есці меншую колькасць ежы, паведамляе The Daily Mail.

Са слоў эксперта, дзякуючы хуткаму траплянню ў кроў, глюкоза блакуе цягу да салодкай ежы і дазваляе атрымаць неабходную дозу тлушчаў і бялкоў, піша aif.ru.

Навукоўцы правялі эксперымент на мышах, падчас якога высветлілася, што пасля галадання цягам дня ў кроў паддоследных грызуноў пачаў вылучацца бялок глюкакіназа, які кантралюе колькасць цукру, што паступае ў кроў.

Грунтуючыся на эксперыменце, навукоўцы раяць пачынаць абед з невялікай порцыі салодкай ежы для кантролю над апетытам і, як следства, нармалізацыі вагі.