ЗША выдаткуюць на абарону больш за $584 мільярдаў

Кангрэс ЗША прыняў абаронны бюджэт краіны на фіскальны 2015.

Агульны аб'ём выдаткаў на вайсковую сферу складзе больш за 584 мільярды даляраў, паведамляе Deutsche Welle.

Бюджэт прадугледжвае экстраныя марнаванні на вайсковыя аперацыі супраць ісламістаў у Іраку і Сірыі. Прынамсі, 3,4 мільярда даляраў пойдуць на ўдзел амерыканскіх вайскоўцаў у барацьбе з "Ісламскай дзяржавай" (ІГ) у рамках аперацыі "непахісная рашучасць".

Акрамя гэтага, 1,6 мільярда даляраў будуць выдаткаваныя на ўзбраенне іракскіх курдаў, якія вядуць баявыя дзеянні супраць ІГ. Акрамя таго, прыняты дакумент пашырае вайсковую падтрымку ўмераных сірыйскіх паўстанцаў.

Пры гэтым прыняты Кангрэсам дакумент накладвае абмежаванні на паэтапнае закрыццё турмы Гуантанама на Кубе, за якое выступае прэзідэнт ЗША Барак Абама. Прынамсі, падоўжаная забарона на перавод зняволеных адтуль у ЗША.