Нацбанк пакінуў без змены стаўку рэфінансавання

Нацбанк у чарговы раз не стаў зніжаць стаўку рэфінансавання, нягледзячы на стогны ўрада аб неабходнасці патаннення крэдытаў для эканомікі.

Асцярожнасць рэгулятара ў гэтым пытанні лішні раз пацвярджае, што не ўсё да ладу ў беларускай банкаўскай сістэме і неасцярожная пастанова можа справакаваць абрынанне дэпазітнай піраміды.

У выніку праўленне НБ РБ на сваім пасяджэнні пакінула стаўку рэфінансавання на ўзроўні 20% гадавых, піша АФН.

З іншага боку рэгулятар таксама не рызыкнуў павышаць стаўку нягледзячы на тое, што яна ледзь перакрывае разагнаны ў канцы года ўзровень інфляцыі. Адмову ад павышэння стаўкі НБ растлумачыў неабходнасцю зніжэння росту спажывецкіх коштаў.

«На фоне працяглага запаволення інфляцыйных працэсаў (у лістападзе 2014 індэкс спажывецкіх цэнаў (у гадавым выразе) склаў 118,3 адсотка ў параўнанні з 119,4 працэнта ў кастрычніку 2014) захаванне існага ўзроўню стаўкі рэфінансавання будзе садзейнічаць далейшаму зніжэнню тэмпаў росту спажывецкіх цэн, падтрыманню ўстойлівага стану валютнага і дэпазітнага рынкаў, забяспечваючы прывабныя ўмовы для зберажэнняў у беларускіх рублях», - гаворыцца ў каментары рэгулятара.