Гжэгаж Схетына: Палёты расейскіх ВПС над Балтыкай – правакацыя
- 16.12.2014, 14:22
- 4,417
Але перабольшваць яе значэнне не варта.
Пра гэта ў інтэрв'ю Polskie radio (пераклад - charter97.org) заявіў міністр замежных спраў Польшчы Гжэгаж Схетына.
- Гэта элементы правакацыі, таксама, як і вучэнні на Балтыйскім моры. Варта пра гэта казаць, але ў той жа час трэба рабіць сваю справу і праводзіць сваю палітыку. Нельга перабольшваць і з інцыдэнтаў рабіць частку вялікай стратэгічнай палітыкі, бо вынік такіх дзеянняў будзе несур'ёзным - сказаў Гжэгаж Схетына.
Міністр замежных спраў Польшчы нагадаў, што некалькі тыдняў таму было выяўлена прысутнасць расейскай падводнай лодкі ля ўзбярэжжа Швецыі.
- І шведы тады захавалі спакой. Трэба браць прыклад з іх, - дадаў міністр.
Нагадваем, што ў канцы лістапада генеральны сакратар NАТO Енс Столтэнберг заявіў, што расейская вайсковая актыўнасць уздоўж межаў краін Альянсу павялічылася. Палітык дадаў, што перахоплена больш за 400 расейскіх самалётаў, гэта значыць, на 50% больш, чым у папярэднім годзе.