Беларусы кампенсуюць больш за 80% выдаткаў на электраэнэргію
33- 16.12.2014, 16:33
- 15,719
Паводле вынікаў 2014 чакаецца, што насельніцтва Беларусі кампенсуе больш за 80% выдаткаў на электрычную энэргію.
Пра гэта сёння журналістам паведаміў намеснік міністра энэргетыкі Вадзім Закрэўскі, паведамляе БелТА.
Намеснік міністра не выключыў, што ў наступным годзе насельніцтва Беларусі будзе цалкам кампенсаваць выдаткі на электраэнэргію. «Такая верагоднасць ёсць», - сказаў ён. Мінэканомікі як рэгулятар у гэтай галіне будзе планаваць індэксы росту тарыфаў на паслугі ЖКГ зыходзячы з росту рэальнай зарплаты. «Наколькі дазволяць адпаведныя тэмпы зарплаты, такія пастановы і будуць прынятыя», - паведаміў Вадзім Закрэўскі.
Ён нагадаў, што ў краіне ўстаноўлены крытэрыі росту тарыфаў на паслугі ЖКГ - $5 на год плюс індэксацыя ў залежнасці ад індэкса змянення цэн.
Для цеплавой энэргіі ўзровень кампенсацыі выдаткаў на канец года складзе 23%. Да 2017 года гэты паказчык плануецца давесці да 40%.