Маскоўскія абменнікі спыняюць продаж валюты
23- 17.12.2014, 18:09
- 28,815
Шэраг абменных пунктаў у Маскве спыніў продаж даляраў і еўра з прычыны дэфіцыту валюты.
У офісах дробных банкаў наведвальнікаў адразу папярэджваюць аб тым, што абменныя аперацыі не праводзяцца. У філіялах буйных банкаў стаяць чэргі з жадаючых купіць валюту, аднак і там на просьбу прадаць даляры ці еўра збольшага кліентам адказваюць адмовай, піша РІА «Новости».
- Валюты на сёння няма, усё скончылася. Мы заказваем на заўтра, але ці будуць продажы - пакуль не ведаем, - адзначылі ў адной з аперацыйных кас.
Сярэдні курс даляра ў абменніках Масквы вагаецца ў межах 61-65 руб. пры продажы і 75-80 руб. пры куплі. Еўра купляецца за 80-85 руб. і прадаецца за 95-100 рублёў.
Раней паведамлялася, што ў рэгіянальных банках праз абвал рубля і павышаны попыт на замежную валюту сканчаюцца даляры і еўра. У прыватнасці, валюты няма ў многіх банках Чэлябінска, Ханты-Мансійска і Цюмені.