Перад канферэнцыяй Пуціна ў Маскве затрыманыя 8 чалавек

Каля Цэнтра міжнароднага гандлю ў Маскве затрыманы апазіцыянер Яўген Ляўковіч і яшчэ 7 чалавек.

Пра гэта паведамляе з месца падзей карэспандэнт «Радыё Свабода».

Год таму Ляўковіч і яго таварышы былі гэтак жа затрыманыя перад «вялікай» прэс-канферэнцыяй Пуціна - яны спрабавалі зладзіць акцыю ў падтрымку «вязняў Балотнай».

Раней журналіст і актывіст Яўген Ляўковіч прапанаваў усім жадаючым, якія сабраліся за гадзіну да пачатку стасункаў прэзідэнта з журналістамі каля ЦМТ, задаць пытанне Пуціну.

«Калі ласка, не пытайцеся, што мы будзем там рабіць. Мы ідзем задаць пытанні Пуціну, на пераважную большасць з якіх ён заўтра не адкажа - проста з той прычыны, што яны заўтра не прагучаць. Мы хочам, каб пра існаванне гэтых пытанняў і пра баязлівасць прэзідэнта, які баіцца размаўляць з настроенымі супраць яго ўлады людзьмі наўпрост, даведаліся як мага больш грамадзян Расеі. Далейшае будзе залежыць толькі ад нашай колькасці», - напісаў ён у «Фэйсбуку».