Прадпрымальнікаў Беларусі чакаюць жорсткія праверкі
25- 19.12.2014, 7:49
- 31,268
Спецыяльным кантралюючым групам прадстаўленыя шырокія паўнамоцтвы.
Сярод іх - адгрузка прадукцыі са спажывецкага рынку і забарона на дзейнасць для яе пастаўшчыка, паведамляе БелТА.
Стварэнне спецыяльных рабочых груп, якія кантралююць сітуацыю на спажывецкім рынку, прадугледжана сумесным загадам Дзяржстандарту, Мінгандлю, Міністэрства аховы здароўя і Мінсельгасхарча аб парадку ўзаемадзеяння ў рэалізацыі указаў №563 ад 3 снежня 2014 года і №567 ад 5 снежня гэтага года.
Праверкі з вынікаючымі аргвысновамі ўжо пачаліся. Нагадаем, што ў рамках рэалізацыі ўказа №567 Мінгандлю ўжо прыпынілі працу сем крамаў буйных сетак «5 элемент» і «Электрасіла», а таксама трох супермаркетаў гандлёвай сеткі «Гіпа».
Групы будуць праводзіць сумесныя кантрольна-наглядныя мерапрыемствы. Правяраць будуць усе - ад санітарна-эпідэміялагічных нормаў да цэнаўтварэння і дакладнасці заяўленых якасных, тэхнічных паказчыкаў у дачыненні да прадукцыі.
У групы ўвойдуць прадстаўнікі Дзяржстандарту, Мінгандлю, Міністэрства аховы здароўя, Мінсельгасхарча. Пры неабходнасці да працы груп будуць прыцягвацца праваахоўныя і падатковыя органы.
У дачыненні да няякаснай і небяспечнай прадукцыі, у тым ліку харчовай сыравіны і харчовых прадуктаў, будуць прымацца «вычарпальныя і дзейсныя меры (аж да адклікання самой прадукцыі са спажывецкага рынку)». Пры выяўленні парушэнняў санітарна-эпідэміялагічных нормаў, правілаў цэнаўтварэння, гандлю, грамадскага харчавання, абароны правоў спажыўцоў і іншых суб'ектам прадпрымальніцкай дзейнасці пагражаюць сур'ёзныя непрыемнасці, «аж да прыпынення (забароны) дзейнасці)».