Цэнтрвыбаркам Польшчы сышоў у адстаўку

Сябры Нацыянальнай выбарчай камісіі Польшчы сышлі ў адстаўку праз збоі ў кампутарнай сістэме, якія ўскладнілі падлік галасоў.

Пра гэта паведамляе «Еўрапейская праўда» са спасылкай на Rzeczpospolita.

«Мы шкадуем у сувязі з сітуацыяй, якая склалася. У рэшце, на наш погляд, мы не заслугоўваем гэткай маштабнай крытыкі, крытыкі, якая нанесла ўдар па падмурку польскай дэмакратыі і польскай выбарчай сістэмы, якая з'яўляецца ўнікальнай і досыць аўтарытэтнай у свеце», - сказаў старшыня камісіі Стэфан Яворскі.

Ён нагадаў, што мясцовыя выбары прадэманстравалі няздольнасць кампутарнай сістэмы, якая пагоршыла і значна затрымала абвяшчэнне вынікаў галасавання ад 16 лістапада.

Яворскі адзначыў, што знойдзеныя збоі не паўплывалі на агульныя вынікі і падкрэсліў, што ў сябраў камісіі выклікала здзіўленне крытыка з боку дэпутатаў, якія самі ж прымалі ўдзел у фармаванні выбарчай сістэмы.

Нагадаем, старшыня камісіі Стэфан Яворскі падаў у адстаўку 21 лістапада, пазней аб такіх жа намерах заявілі іншыя сябры камісіі. Пастанова аб іх адстаўцы павінна ўвайсці ў дзеянне пасля падвядзення вынікаў другога тура мясцовых выбараў.

Раней паведамлялася, што ў другім туры мясцовых выбараў, якія прайшлі ў Польшчы 30 лістапада, перамогу атрымала кіруючая «Грамадзянская платформа».

Галоўны праціўнік ГП - партыя «Права і справядлівасць» - не прызнае вынікі выбараў, называе іх сфальсіфікаванымі. Лідэр ПіСа, былы кандыдат у прэзідэнты Качыньскі заклікаў палякаў выйсці на акцыю пратэсту 11 снежня.