МЗС Украіны накіраваў РФ ноту пратэсту
7- 2.12.2014, 18:30
- 17,488
Міністэрства замежных спраў (МЗС) накіравала Расеі ноту ў сувязі з практыкай няўзгодненых візітаў расейскіх чыноўнікаў ва Украіну.
Пра гэта сказаў на брыфінгу прэс-сакратар МЗС Яўген Перабійніс, паведамляе УНІАН.
"Міністэрства замежных спраў Украіны выказвае рашучы пратэст у сувязі з прадаўжэннем расейскім бокам практыкі няўзгодненых візітаў службовых асоб ва Украіну. Сярод апошніх - візіт 1 снежня гэтага года ў Аўтаномную рэспубліку Крым старшыні Дзярждумы Расейскай Федэрацыі Сяргея Нарышкіна", - сказаў Яўген Перабійніс.
Паводле ягоных слоў, такія дэманстратыўныя дзеянні сведчаць аб свядомым парушэнні Расейскай Федэрацыяй дзяржаўнага суверэнітэту Украіны, Статута ААН і рэзалюцыі Генасамблеі ААН, а таксама сваіх абавязацельстваў паводле Дагавору аб дружбе, супрацоўніцтве і партнёрстве паміж Украінай і Расейскай Федэрацыяй.