Навукоўцы распавялі, што лечыць дэпрэсію лепш за таблеткі

Фізічныя нагрузкі з'яўляюцца эфектыўным спосабам барацьбы з дэпрэсіяй.

Дэпрэсія з'яўляецца распаўсюджаным псіхічным захворваннем, аднак цяпер экспэрты мяркуюць, што многія выпадкі гэтай хваробы можна хутка вылечыць з дапамогай бегавога абутку. Яны высветлілі, што фізічныя нагрузкі з'яўляюцца эфектыўным спосабам барацьбы з дэпрэсіяй, піша medikforum.ru.

Дырэктар Цэнтра ў лячэнні дэпрэсіі пры бостанскай лякарні Brigham and Women's Hospital доктар Джэйн Эрб сцвярджае, што ўсё большая колькасць даследчыкаў пераконваюцца ў рэальнай сіле фізічных нагрузак у справе лячэння дэпрэсіі. У некаторых выпадках фізіятэрапія выяўляецца значна больш эфектыўнай, чым самыя магутныя лекі з катэгорыі антыдэпрэсантаў.

"Даследаванні ў гэтым кірунку вядуцца, па вялікім рахунку, у апошнія пару дзесяцігоддзяў, калі навукоўцы пераканаліся ў тым, што эфект спорту ў лячэнні дэпрэсіі распасціраецца далей за эфект плацэба, - кажа доктар Эрб. - Мы нарэшце ўсталявалі клінічную эфектыўнасць фізічных нагрузак, і атрыманыя доказы немагчыма падвергнуць сумневу".

Навуцы ўжо даўно вядома, што фізічныя нагрузкі спрыяюць выпрацоўцы ў мозгу чалавека спецыфічных рэчываў, якія выклікаюць адчуванне эйфарыі. Але дзякуючы заняткам спортам адбываюцца і некаторыя псіхалагічныя змены, як даказалі даследчыкі. Так, часопіс Cell апублікаваў вынікі працы групы навукоўцаў, якія ўсталявалі, што генетычна запраграмаваныя мышы, мозг якіх вылучаў павышаны ўзровень хімічных рэчываў, якія нараджаюцца падчас заняткаў спортам, маюць рэзістэнтнасць да дэпрэсій, выкліканых стрэсам.

Таму самым важным для людзей, якія пакутуюць нават ад моцнай дэпрэсіі, з'яўляецца пастаянны рух, як мяркуе доктар Эрб. Яна раіць набыць пару бегавых красовак і пачаць займацца раніцай ці вечарам, каб адчуць пазітыўныя змены ўжо ў кароткатэрміновай перспектыве. Толькі спорт дапаможа вырвацца з гэтага непрыемнага замкнёнага круга лекаў і хвароб.