У Чэрыкаве КДБ затрымаў начальніка камунальнага прадпрыемства

Начальнік камунальнага ўнітарнага прадпрыемства «Чэрыкаўская ПМК-280» затрыманы ў падазрэнні ў карупцыйным злачынстве.

Інфармацыю аб затрыманні БелаПАН пацвердзіў начальнік прэс-службы КДБ Артур Стрэх. З ягоных слоў, падазраваны ў карупцыйным злачынстве быў узяты з доказамі злачынства. У дачыненні да яго абраная мера стрымання - утрыманне пад вартай.

У інтарэсах расследавання дадатковая інфармацыя ў гэтай справе пакуль не распаўсюджваецца, адзначыў Стрэх.