Мянчук зняў ролік пра беларусаў, якія не здаюцца (Відэа)
23- 3.12.2014, 14:14
- 28,369
Галоўнае - зрабіць першы крок.
Відэаролік аб спорце на беларускай мове даслаў у рэдакцыю onliner.by кіраўнік праекта WeGiveYouMO Міхаіл Пархоменка.
- Я зняў першы (спадзяюся) матывацыйны ролік пра спорт на беларускай. Відэа не камерцыйнае, здымалася для сябе на ўласныя грошы, - распавядае Міхаіл. - Мэтаў у мяне некалькі. Я б вельмі хацеў, каб беларуская мова станавілася больш папулярнай. Газеты, тэлебачанне - у нас усё на расейскай. А спробы зрабіць нешта беларускае нярэдка прыводзяць да плоскіх саўковых вынікаў, якія выклікаюць у людзей абурэнне. Хочацца прадстаўляць і пазіцыянаваць беларускую мову на сучасным узроўні. Паказваць, што гэта не штосьці артадаксальнае, якое вось-вось вымрэ, а жывое, маладое. Тэма спорту заўсёды актуальная і запатрабаваная. Пакуль у планах паспрабаваць звязацца з Міністэрствам культуры ці спорту, паспрабаваць прасунуць гэты ролік там.