«Фэйсбук» стварае бясплатную антывірусную праграму
5- 3.12.2014, 18:50
- 4,988
Facebook сумесна з распрацоўшчыкам Eset стварае бясплатны антывірус для ліквідацыі шкодных праграм, якія распаўсюджваюцца праз сацыяльную сетку.
Пра гэта паведамляе «Газета.Ru» са спасылкай на The Guardian.
«Нашая мэта складаецца ў тым, каб прапанаваць карыстальнікам тэхналогію, якая палепшыць абарону іх дэвайсаў, - сказаў вэб-распрацоўшчык кампаніі Facebook. - Анлайн-сканер вірусаў значна паменшыць колькасць шкодных спасылак».
У выпадку выяўлення шкоднага ПА Facebook будзе дасылаць карыстальнікам апавяшчэнне са спасылкай на запампоўку антывіруса. Пасля ўстаноўкі праграма правядзе сканаванне кампутара, аднак працэс і вынікі праверкі будуць адлюстроўвацца ў Facebook. Такім чынам, сканаванне не будзе адцягваць карыстальнікаў ад якіх-небудзь спраў.
Кампанія вырашыла стварыць уласны антывірус у сувязі з ростам колькасці інтэрнэт-махляроў. На думку Facebook, новая праграма дапаможа змагацца з праблемай наўпрост.