Відавочца распавяла аб 200 баевіках у Грозным

У Грозным знаходзяцца ад 100 да 200 баевікоў, раскіданых у цэнтры горада.

Пра гэта паведамляе радыёстанцыя «Эхо Москвы» са спасылкай на журналістку Мілану Мазаеву, відавочцу аперацыі.

На адным з сайтаў паўночнакаўказскіх баевікоў з'явілася відэа, у якім групоўка «Імарат Каўказ» бярэ на сябе адказнасць за тое, што здарылася ўначы 4 снежня ў сталіцы Чачні. Адзін з баевікоў сцвярджае, што тое, што адбылося - «акт помсты» за ўціск мусульманскіх жанчын уладамі Чачэніі. Паводле ягоных слоў, баявікам аддаў загад Аслан Бютукаеў (амір Хамзата). Яны падпарадкоўваюцца Аліасхабу Кебекаву (Абу Мухаммаду).

«Гэта аперацыя Інтыкама, Шахідская аперацыя і мы будзем змагацца да смерці. Ужо ёсць вынікі. Алах знішчыў іх нашымі рукамі. Мы знішчылі шмат аўтамабіляў, вайсковых калон, захоплена шмат трафеяў. Мы не можам усё панесці. Алах нам дапамагае. Мы разышліся па горадзе, ідуць баі і ніхто дагэтуль з нас нават не паранены, а іх мы многіх знішчылі», - кажа баявік. Відэа таксама апублікаваў на YouTube карыстальнік Albert Albertiny пад назвай «Заява муджахідаў, якія атакавалі Джахар (Грозны) 4 снежня 2014 года».

Крыніца TJournal, які з'яўляецца відавочцай здарэння, паведаміла, што падчас пачатку аперацыі Рамзан Кадыраў і яго сваяк Адам Дэлімханаў павінны былі здзейсніць пасадку на самалёце ў Грозным. «Хутчэй за ўсё, як нашы тут кажуць, гэта была спроба нападу на самалёт, таму што [баевікі] ужо былі ў поўнай экіпіроўцы, у іх былі гранатамёты», - сказала суразмоўца выдання.

Страляніна ў Грозным пачалася а палове першай або а першай гадзіне ночы каля Дома Друку і праспект Пуціна. Праз гадзіну сілавікі ўжылі цяжкую артылерыю. Паводле яе слоў, колькасць баевікоў можа дасягаць 50 чалавек, піша snob.ru.

У міністэрстве аховы здароўя Расеі паведамілі, што падчас аперацыі загінулі чатыры чалавекі, яшчэ 21 чалавек паранены, перадае «Камерсант». Кіраўнік Чачні Рамзан Кадыраў сцвярджае, што падчас аперацыі ніхто не загінуў, а загінулыя і параненыя з'явіліся падчас перастрэлкі пры затрыманні аўтамабіля з баевікамі. Палітык паабяцаў, што выдзеліць сем'ям загінулых па мільёну рублёў.

Уночы 4 снежня чачэнскія сілавікі падчас контртэрарыстычнай аперацыі знішчылі сем баевікоў, якія схаваліся ў будынку Дома Друку ў Грозным. Баевікі таксама схаваліся каля Дома ў школе нумар 20. Аперацыя доўжыцца.

Фота: AP