Аляксандр Хацкевіч: Хоць дзесьці я апярэдзіў Марадону. Значыць, чагосьці варты
15- 4.12.2014, 15:05
- 12,249
Новы галоўны трэнер зборнай Беларусі ў футболе пракаментаваў сваё прызначэнне.
Аляксандр Хацкевіч, прызначаны галоўным трэнерам зборнай Беларусі, з доляй жарту адрэагаваў на словы журналістаў пра тое, што калі адкінуць усе дапушчэнні, у барацьбе за пасаду настаўніка зборнай краіны Хацкевіч апярэдзіў самага Марадону, піша «Прессбол».
- Калі адкінуць усе дапушчэнні, можна сказаць, што вам аддалі перавагу перад Марадонай…
- Хоць дзесьці яго апярэдзіў. Значыць, чагосьці варты.
- Што адкажаце тым, хто мяркуе, што ў вас недастаткова досведу?
- Маладым у нас дарога, старым у нас пашана. Досвед? Сем гадоў працую, толькі адзін год, як памочнік. Шэсць гадоў - галоўным. Ды і я з шасці гадоў у футболе, у мяне былі добрыя настаўнікі. Я бачыў, як працавалі Блахін, Сёмін. Гэта не ўлічваючы Лабаноўскага і Малафеева.