Хацкевіч: Пры мне зборная не будзе гуляць у пяць абаронцаў
10- 4.12.2014, 20:39
- 11,452
Аляксандр Хацкевіч падаў кіраўніцтву зборнай Беларусі сваю праграму.
4 снежня амаль аднагалосным (пры адным, які ўстрымаўся) рашэннем выканкама Беларускай федэрацыі футбола (БФФ) 41-гадовы Аляксандр Хацкевіч прызначаны галоўным трэнерам нацыянальнай зборнай Беларусі, паведамляе naviny.by.
У спісе кандыдатаў значылася каля 30 спецыялістаў - Леанід Кучук, Віктар Ганчарэнка, Алег Блахін, Анатоль Дзям'яненка і нават Дыега Марадона. Бюро выканкама федэрацыі спыніла свой выбару на Аляксандру Хацкевічу.
Паводле слоў намесніка старшыні БФФ, ацэньвалася сукупнасць кар'ер - гульца і трэнера, ступень знаёмства з беларускім футболам, а таксама фінансавыя запыты. У гэтых пазіцыях Хацкевіч набраў больш за ўсё ачкоў.
Адказаў на пытанні журналістаў і сам Хацкевіч. Ці не бянтэжыла яго, што перамовы адносна прызначэння занялі столькі часу?
«Гэта напружвае трэнера, які сядзіць без працы, - адказаў Аляксандр Хацкевіч. - У мяне была добрая праца. Але з'явілася добрая прапанова, і я пагадзіўся. Ведаю, што разглядаліся і іншыя кандыдатуры, пра якія казаць не маю права».