Дэманстранты ў Вінніцы штурмавалі абласную раду
38- 6.12.2014, 14:46
- 32,821
У выніку супрацьстаяння параненыя два чалавекі.
Сёння, 6 снежня, перад пачаткам сесіі Вінніцкай абласной рады, якая ў трэці раз збірае старшыня абласной рады Сяргей Світка, пачаўся штурм абласной рады актывістамі, піша "Лiга.нет".
Рух транспарту па вуліцы Саборнай быў перакрыты. Дэманстранты выкрыквалі: "Міліцыя з бандытамі". Таксама яны кідалі дымавыя шашкі, паведамляе мясцовы сайт Vinnitsa.info.
Стала вядома, што параненыя два чалавекі - міліцыянт і актывіст. Міліцыянту разбілі галаву гумавай дубінкай. Пацярпелых забрала хуткая дапамога.
Частка дэпутатаў пакінула сесійную залу Вінніцкай абласной рады. Памяшканне задымленае. Таксама ў будынку аблрады - дымавыя шашкі. Разбітае шкло на ўваходных дзвярах Вінніцкай АДА. Старшыня абласной рады Сяргей Світка выйшаў з сесійнай залы.
Праз цэнтральны ўваход у Вінніцкую аблдзяржадміністрацыю занеслі два смеццевыя бакі - кажуць, што для люстрацыі. Раней старшыня Вінніцкай абласной рады Сяргей Світка падпісаў распараджэнне аб правядзенні пленарнага пасяджэння пазачарговай сесіі 6 снежня.
На парадак дня было вынесена 15 пытанняў, сярод якіх "Аб датэрміновым спыненні паўнамоцтваў старшыні Вінніцкай абласной рады".