Буцу Марыё Гетцэ прадалі за €2 мільёны

Буца футбаліста зборнай Нямеччыны, які забіў пераможны мяч у фінале ЧС 2014 года, пайшла з малатка за два мільёны еўра.

Пра гэта паведамляе нямецкі таблоід Bild, піша Lenta.ru.

«Гэта няўяўна, я не марыў аб падобным. Гэта проста вялізная сума», - сказаў паўабаронца. Таксама Гетцэ адзначыў сваё задавальненне тым, што грошы былі заплачаныя не толькі за буцу, але і ў дабрачынных мэтах.

Усе атрыманыя сродкі будуць пералічаныя ў дабрачынны фонд Ein Herz für Kinder («Сэрца для дзяцей»), які дапамагае дзецям з рознымі цяжкімі захворваннямі. Пакупнік пакуль застаецца невядомым, але ўвечары ў суботу, 6 снежня, на нямецкім тэлебачанні будзе паказана шоу, у якім новы ўладальнік буца раскажа, што збіраецца зрабіць з ім.

Гетцэ стаў аўтарам адзінага гола ў фінале ЧС-2014 паміж Нямеччынай і Аргенцінай. Мяч быў забіты ў дадатковы час, сустрэча завяршылася з лікам 1:0 на карысць каманды ФРГ. Дзякуючы перамозе немцы выйгралі першынство планеты і сталі чатырохкратнымі чэмпіёнамі свету ў футболе.