Амбасада РФ у Нігерыі: Самалёт наш, груз – не
20- 7.12.2014, 17:19
- 17,399
Расейскае пасольства ў Нігерыі прызнала, што самалёт, затрыманы ў аэрапорце нігерыйскага горада Кано, належыць Расеі.
Пра гэта гаворыцца ў паведамленні дыпмісіі, апублікаваным у твітэры, піша РБК.
«Расейскі самалёт, што знаходзіцца ў горадзе Кано, зафрахтаваны французскай міратворчай місіяй у Чадзе, перавозіў маёмасць, што ёй належыць» - гаворыцца ў паведамленні.
Раней установа апублікавала заяву, у якой адмаўляла прыналежнасць паветранага судна расейскаму боку: «Паводле інфармацыі амбасады, затрыманы ў Кано самалёт, як мяркуецца, з вайсковым грузам на борце, не з'яўляецца расейскім».
Аб затрыманні самалёта ў Кано стала вядома 6 снежня. Пра тое, што самалёт належыць Расеі, паведамляла агенцтва Reuters. Паводле звесткак агенцтва, самалёт з франкамоўным экіпажам ехаў з Цэнтральна-Афрыканскай Рэспублікі ў Чад.
На борце самалёта былі выяўленыя два гелікоптэры, браніраваны джып і скрыні, як мяркуецца, з вайсковым рыштункам. Пасадка ў Кано была вымушанай: аэрапорт у сталіцы Чада, горадзе Нджамене, быў зачынены.