«Чатыры кольцы» Алімпіяды сталі брэндам

Кольца, якое не раскрылася падчас адкрыцця Алімпіяды, ужо спарадзіла нямала жартаў, але гэта былі толькі кветачкі.

Кур'ёз ператварыўся ў сімвал расейскіх Гульняў і нават брэнд - яго прапануюць выкарыстоўваць у рэкламе і ўжо прадаюць, як таварны знак, піша «Обозреватель».

Не дзіва, што першымі на сочынскую неспадзяванку адрэагавалі вытворцы спартыўнага адзення. Амерыканцы і кітайцы ўжо на ўсю моц штампуюць футболкі, бейсболкі і талстоўкі з выявай чатырох алімпійскіх кольцаў. Самае смешнае, што МАК не зможа прычапіцца да вытворцаў - на ліцэнзаваныя пяць кольцаў тыя ня нават не замахваюцца.

На афіцыйным сайце краснадарскага сушы-бара «Асарці» - ні слова аб гэтай рэкламе. Але па сетцы малюнак разышоўся так, што пра яго напісалі нават амерыканскія СМІ.

Навасібірская піцэрыя Sinizza таксама імгненна сцяміла, як скарыстацца кур'ёзам. Акцыя «Заўзей за нашых» - замові чатыры сярэдніх піцы, і атрымай маленькую ў падарунак - вырачаная на поспех. Хоць заўзятыя патрыёты могуць і абурыцца.

Рэклама аўтамабіляў Audi, на лагатыпе якіх, як вядома, красуюцца чатыры кольцы, парвала сетку. Але цудоўны ход пад лозунгам «Калі чатыры кольцы - усё, што табе трэба» на справе апынуўся нечай выдумкай. Прадстаўнікам нямецкага аўтаканцэрна прыйшлося нават афіцыйна аспрэчваць дачыненне да віруса. Хоць неафіцыйна яны напэўна задаволеныя такой, яшчэ і бясплатнай рэкламай. Audi магла б прапанаваць аўтару шэдэўра працу. Або, як мінімум, падарылі б машыну.

Таксама фэйк, але з сэнсам. Заўзятары ўбачылі ў нераскрыўшымся кольцы лагатып аднаго з сусветных нафтагазавых гігантаў British Petrolium, які, што цікава, цесна звязаны з «Раснафтай». Увогуле, на Цэрымоніі быў не кур'ёз, а рэкламная акцыя, проста не ўсе зразумелі.