Лукашэнка павіншаваў Раўхані
13- 11.02.2014, 10:22
- 5,351
Беларускі кіраўнік разлічвае на вывад беларуска-іранскіх адносінаў на якасна новы ўзровень.
Лукашэнка ад імя беларускага народа і сябе асабіста павіншаваў прэзідэнта Ісламскай Рэспублікі Іран Хасана Раўхані з 35 гадавінай Ісламскай Рэвалюцыі. Пра гэта ў прэс-службе кіраўніка.
«Прэзідэнт Беларусі выказаў упэўненасць, што сумеснымі намаганнямі, а таксама дзякуючы даверу і дружалюбным адносінам удасца павысіць двухбаковае супрацоўніцтва на якасна новы ўзровень, які будзе адказваць патэнцыялу дзвюх краін», - гаворыцца ў паведамленні.
Адзначым, беларускія чыноўнікі неаднаразова наведвалі Іран, супраць кіраўніцтва якога дзейнічалі санкцыі ЕЗ і ЗША. Эксперты мяркуюць, што гаворка на падобных перамовах магла ісці і аб пастаўках зброі з Менска ў Тэгеран.