Нарвежцы выйгралі ўсё «золата» ў спрынце на Алімпіядзе
10- 11.02.2014, 17:32
- 12,662
Перамогай прадстаўнікоў Нарвегіі завяршыліся спрынтарскія гонкі і ў жанчын, і ў мужчын на Алімпійскіх гульнях у Сочы.
У жанчын алімпійскай чэмпіёнкай стала 23-гадовая Майкен Касперсэн Фалла. Другое месца заняла яе суайчынніца 23-гадовая Ігвільд Флугстад Эстберг. Трэцяе месца ў 28-гадовай Весны Фаб'ян са Славеніі, піша БелТА.
У мужчын алімпійскае золата прымерыць 31-гадовы Ола Віген Хатэстад. Срэбра і бронза ў лыжнікаў з Швецыі - 25-гадовага Тэадора Петэрсана і 28-гадовага Эміля Ёнсана.
Беларускія лыжнікі Валянціна Камінская і Міхаіл Сямёнаў не прайшлі кваліфікацыю.