Румынія адмяніла візы для ўкраінцаў

З 1 лютага грамадзяне Украіны могуць уязджаць у Румынію без візы.

Гэта стане магчымым пры наяўнасці шэнгенскіх візаў ці дазволаў на пражыванне ад краін шэнгенскай зоны. Пра гэта падчас брыфінгу сказаў спікер МЗС Яўген Перабейнас, перадае УНП.

«Урадам Румыніі прынятае рашэнне ўстанавіць з 1 лютага бязвізавы парадак уезду для замежнікаў у тым ліку і для грамадзян Украіны, уладальнікаў шэнгенскіх візаў, або віду на жыхарства, выдадзеных краінамі шэнгенскай прасторы», - паведаміў ён.

Румынія не ўваходзіць у шэнгенскую зону.