Дар'я Домрачава здабыла трэцяе «золата» Алімпіяды
274- 17.02.2014, 18:33
- 131,253
Беларуская біятланістка перамагла ў гонцы з мас-старту на 12,5 кіламетраў.
Дар'я Домрачава першапачаткова была лідаркай на дыстанцыі, паказваючы высокую хуткасць. З улікам амаль ідэальнай стральбы - беларуска дапусціла ўсяго адное пудла пры 20 стрэлах на 4 агнявых рубяжах - яна фінішавала больш чым з дваццацісекунднай перавагай.
Дар'я Домрачава паказала вынік 35 хвілін 25,6 секунды, следам за ёй фінішавалі Габрыэла Саўкалава з Чэхіі якая адстала на 20,2 секунды, і трэцяй - нарвежка Цірыл Экхоф - 27,3 секунды.
Гэтае «золата» стала для беларускай спартоўкі трэцім на Алімпійскіх Гульнях у Сочы. Раней яна перамагла тут гонку пераследу ды індывідуальную гонку.