Улады Грузіі адмянілі гастролі тэатра Бязрукава з-за Крыма

Улады Грузіі адмянілі спектакль тэатра Сяргея Бязрукава ў Тбілісі ў сувязі з падтрымкай артыстам палітыкі расейскага кіраўніцтва ў адносінах да Украіны.

Пра гэта 12 сакавіка паведамляе «Інтэрфакс».

Адпаведнае рашэнне было прынята Палатай культуры Грузіі. У заяве органа адзначаецца яго падтрымка «суверэнітэту і тэрытарыяльнай цэласнасці Украіны і дружалюбнага ўкраінскага народа». Гастролі тэатра Безрукава павінны былі прайсці ў Тбілісі ў траўні.

11 сакавіка на сайце Міністэрства культуры РФ быў апублікаваны адкрыты ліст дзеячаў культуры, у якім яны выказалі падтрымку пазіцыі прэзідэнта Уладзіміра Пуціна па Крыме і Украіне. Падпісанты падкрэслілі, што ў бягучай сітуацыі «дзеячы культуры Расеі не могуць быць абыякавымі назіральнікамі з халодным сэрцам», выказаўшы жаданне, каб «агульнасць нашых (расейскага і ўкраінскага) народаў і нашых культур мела трывалую будучыню».

Акрамя непасрэдна Сяргея Бязрукава, пад зваротам падпісаліся яшчэ каля 100 чалавек. Сярод іх апынуліся спевакі Надзея Бабкіна, Валерыя і Алег Газманаў, рэжысёр Фёдар Бандарчук, акцёры Міхаіл Баярскі і Алег Табакоў, танцор Мікалай Цыскарыдзэ і іншыя вядомыя расейскія артысты, піша Lenta.ru.

Уладзімір Пуцін 1 сакавіка звярнуўся да Савета Федэрацыі з просьбай дазволіць увод войскаў на тэрыторыю Украіны з мэтай абароны грамадзян і суайчыннікаў, якія пражываюць там. У той жа дзень такі дазвол быў атрыманы. Пасля Пуцін заявіў, што пакуль у такім кроку няма неабходнасці, і ён можа быць ажыццёўлены толькі «ў крайнім выпадку».

Фота: РІА «Новости»