Да Нікалаеўскіх дэсантнікаў далучыліся добраахвотнікі з Кіева (Відэа)
- 28.03.2014, 15:50
- 12,993
Да Нікалаеўскай дэсантнай брыгады далучыліся з дзесятак добраахвотнікаў, якія гатовыя са зброяй абараняць межы Украіны.
Маладыя хлопцы аўтобусамі прыбылі з Кіева.
У сацсетках далучыцца да Нікалаеўскіх дэсантнікаў заклікае і нікалаевец Юрый Бірукоў. Ён кажа, што кожны дзень адклікаюцца нямала хлопцаў і нават дзяўчат. Яны запаўняюць анкеты і чакаюць запрашэння ў вайсковую частку, піша novosti-n.org.
- Нам патрэбныя, у першую чаргу, добраахвотнікі, сапраўдныя патрыёты нашай дзяржавы, якія ніколі не скажуць не, не зробяць крок назад, а заўсёды будуць стаяць і, калі гэта будзе трэба, гатовыя аддаць жыццё за Украіну, - сказаў намеснік камандзіра Нікалаеўскай аэрамабільнай брыгады Іван Саўка.
Пасля адпаведнай падрыхтоўкі разам з дэсантнікамі яны будуць несці варту на блок0пастах на Херсоншчыне.