Паток аўтамабіляў з Крыма на мацерыковую Украіну павялічыўся ўтрая

На Херсоншчыне фіксуюць павелічэнне патоку аўтамабіляў з Крыма на мацерыковую частку Украіны ў тры разы.

Пра гэта паведаміў старшыня абласной дзяржаўнай адміністрацыі Юрый Адарчанка, піша un.ua.

Паводле яго слоў, за суткі з паўвострава выязджае ад 6 да 7 тыс. аўтамабіляў, раней выязджала каля 2 тыс.

Адарчанка дадаў, што павелічэнне патоку аўтатранспарту прыводзіць да затораў, паколькі памежнікі старанна правяраюць усіх, хто выязджае з Крыма.