Дональд Туск: Ідэі Януковіча пагражаюць цэласнасці Украіны
6- 28.03.2014, 19:36
- 9,751
Украінская дзяржава мае патрэбу ў дапамозе, а не ў дзеяннях, якія пагражаюць яе суверэнітэту.
Пра гэта заявіў у Кішынёве кіраўнік польскага ўрада Дональд Туск, паведамляе УНІАН. Ён прымае за дрэнную ідэю, перададзеную праз некаторыя расейскія СМІ ад імя экс-прэзідэнта Украіны Віктара Януковіча, якая палягае ў тым, каб правесці рэферэндум у кожным з рэгіёнаў Украіны на прыклад Крыму.
«Гэта нядобрая ідэя правядзення рэгіянальных рэферэндумаў. Досвед з Крымам выяўна паказвае, да чаго гэта можа прычыніцца», - сказаў Туск, які назваў складаным для разумення і ўспрымання гэты заклік Януковіча.
«Мы разлічваем на тое, што палітычныя сілы ва Украіне будуць спрыяць дээскалацыі, а ня эскалацыі напружання. Мы ўсе зацікаўленыя ў тым, каб стабілізаваць сітуацыю ва Украіне, выратаваць яе ад банкруцтва і знайсці мірнае развязанне праблем, у тым ліку, ва ўкраінска-расейскіх стасунках», - сказаў ён.
Туск выказаў спадзяванне, што ўсе суседзі украінцаў разумеюць, што Украінская дзяржава мае патрэбу ў дапамозе, а не «актах, якія пагражаюць яе тэрытарыяльнай цэласнасці».