«Турысты Пуціна» білі аўтамабілі і нападалі на жыхароў Данецка
37- 30.03.2014, 16:11
- 39,287
Натоўп удзельнікаў прарасейскага сепаратысцкага мітынгу напаў на праспекце Міру ў Данецку на аўтамабіль са знакам Еўразвязу.
Сепаратысты атачылі аўтамабіль і з крыкамі разбілі некалькі шыбаў у аўто, паведамляе мясцовае выданне «ОстроВ». Кіроўца, які таксама зазнаў пагрозы нападу, змог пакінуць месца здарэння толькі дзякуючы ўмяшанню міліцыі.
Удзельнікі сепаратысцкага мітынгу ў Данецку пасля яго заканчэння на плошчы Леніна пачалі здзяйсняць пешыя маршы па горадзе. Пасля ўскладання кветак да помніка «Тваім вызваліцелям, Данбас», натоўп вярнуўся на плошчу.
Нагадаем, паводле звестак МУС Украіны, у сепаратысцкіх мітынгах ва ўсходніх рэгіёнах краіны прымае вялікая колькасць добраахвотнікаў з Белгарада, Растова-на-Доне, Варонежа і іншых памежных расейскіх гарадоў, а таксама крымінальныя элементы.