Турэцкая артылерыя абстраляла тэрыторыю Сірыі
- 1.04.2014, 9:35
- 6,609
Такім чынам Турцыя адказала на ракетную атаку Дамаска.
Турэцкія артылерыйскія войскі ў панядзелак увечары абстралялі тэрыторыю Сірыі, паведамляе Agence France-Presse.
Гэты крок рушыў услед у адказ на ракетную атаку Сірыі турэцкай правінцыі Хатай тыднем раней, у выніку якой пацярпела сірыйская ўцякачка, піша «Корреспондент».
Напярэдадні Партыя справядлівасці і развіцця турэцкага прэм'ера Рэджэпа Таіпа Эрдагана выйграла мясцовыя выбары. Пасля абвяшчэння вынікаў галасавання кіраўнік урада заявіў, што «Сірыя знаходзіцца ў стане вайны» з Турцыяй.