Лукашэнка: Міністр сам у пятлю галаву совае

Дыктатар даручыў сваёй адміністрацыі падрыхтаваць «маштабны антыкарупцыйны даклад».

«Мільёны даляраў скралі на пастаўках імпартнага абсталявання! Так гэта апошні прыклад. Я ўжо даручыў адміністрацыі прэзідэнта падрыхтаваць вялікі антыкарупцыйны даклад, які стане здабыткам увагі», - заявіў Лукашэнка на сустрэчы з вядучымі навукоўцамі краіны, піша «Інтэрфакс».

«Міністр - гэта ж такі чалавек! Вось я не разумею: чаго не хапае?! Чалавек сам у пятлю галаву совае. Сам, яго ніхто туды не штурхае! Бо ведае, што рана ці позна - усё роўна трапіцца», - сказаў кіраўнік.

«Што там граху таіць: некаторыя арыентуюцца не на распрацоўкі нашых навукоўцаў і наша абсталяванне, а на тое, што калі там купіш, то там і адкат можна атрымаць пад выглядам камісійных, і скрасці і гэтак далей», - дадаў ён. Лукашэнка прывёў прыклад з нядаўнімі арыштамі ў сістэме Беллегпрама (па абвінавачванні ў атрыманні хабараў арыштаваны былы кіраўнік канцэрна).

Лукашэнка таксама звярнуў увагу на тое, што «сёння ў краіне ў стане сканструяваць і вырабіць на БелАЗе вялікагрузны аўтамабіль-гігант, але, маючы ўласную шынную вытворчасць, пакуль не стварылі даўгавечныя шыны да яго, іх прыходзіцца купляць за мяжой».

«Пры наяўнасці ў структуры канцэрна «Белнафтахім» уласнага інстытута азотнай прамысловасці будаўніцтва азотнага комплексу ў ААТ «Гродна Азот» даводзіцца ажыццяўляць па імпартнай тэхналогіі. Тады трэба вызначыцца. Вобразна кажучы, калі ёсць навуковы інстытут, то чаму закупляем тэхналогію? А калі не можам стварыць сучасную тэхналогію самі, то ўвогуле нам гэты інстытут патрэбны?» - звярнуўся ён да прысутных.