МНС: Больш за 450 шматкватэрных дамоў засталіся ў Менску без вады
8- 1.04.2014, 12:09
- 14,027
Прарыў магістральнага трубаправода цеплазабеспячэння адбыўся ў Менску мінулай ноччу, без вады засталіся больш за 450 шматкватэрных дамоў.
Пра гэта паведамілі агенцтву "Інтэрфакс-Захад" у Менскім гарадскім упраўленні па надзвычайных сітуацыях.
"Без ацяплення і гарачага водазабеспячэння застаюцца 453 шматкватэрных жылых дома, 33 дзіцячых садка, 19 сярэдніх школ, Гарадская дзіцячая інфекцыйная клінічная бальніца па вул. Якубоўскага, 53 у мікрараёнах Каменная горка, Сухарава, Захад", - распавялі ратавальнікі.
Па іх словах, "меркаваная прычына аварыі - карозія металу". "Чаканы час аднаўлення ацяплення і гарачага водазабеспячэння - сёння ў 18.00", - паведамілі ў МНС.