Жанчына з пратараненага міліцэйскім «уазікам» Hyundai памерла ў бальніцы
31- 1.04.2014, 13:22
- 38,602
Упраўленнем Следчага камітэта па Менску распачатая крымінальная справа.
Пра гэта паведаміў агенцтву «Інтэрфакс-Захад» у аўторак афіцыйны прадстаўнік УСК па Менску Аляксандр Герасімаў.
«Устаноўлена, што 29 сакавіка каля 23/00 на скрыжаванні праспекта Ракасоўскага і вуліцы Пляханава адбылося сутыкненне «УАЗа», які рухаўся з уключанымі спецыяльнымі светлавымі і гукавымі сігналамі, з аўтамашынай Hyundai» пад кіраўніцтвам менчанкі 1976 года нараджэння», - гаворыцца ў паведамленні.
Паводле яго інфармацыі, «у выніку сутыкнення абодва аўтамабіля перакуліліся. Жанчына-кіроўца з цяжкімі цялеснымі пашкоджаннямі была шпіталізаваная ў бальніцу хуткай дапамогі, дзе 31 сакавіка памерла. Медыцынская дапамога аказаная дзяўчынцы 2003 года нараджэння і хлопчыку 2007 года нараджэння, якія знаходзіліся ў салоне легкавога аўтамабіля. У цяперашні час дзеці выпісаныя з медыцынскай установы».
«Следчымі праводзяцца неадкладныя дзеянні, накіраваныя на ўстанаўленне ўсіх абставінаў таго, што адбылося. Па справе прызначаныя судова-медыцынскія і аўтатэхнічныя экспертызы» - адзначыў афіцыйны прадстаўнік УСК.