У бацькоў вучняў у Брэсце патрабуюць грошы на падарункі настаўнікам
26- 11.04.2014, 9:50
- 15,931
Бацькам вучняў школы №7 прыйдзецца раскашэліцца з нагоды юбілею навучальнай установы.
Пра гэта сведчыць дакумент, апублікаваны блогерам belleaks.
«Сярэдняя школа №7 Брэста - адна з найстарэйшых у горадзе. У 2014 годзе школа будзе адзначаць свой 70-гадовы юбілей. У нашым распараджэнні апынуўся дакумент, згодна з якім для настаўнікаў і іншага персаналу гэтай школы, уключаючы загадчыцу, збіралі грошы на падарункі. Кошт такіх падарункаў, вядома, залежаў ад статусу і катэгорыі педагога», - піша ён.
Сума, якую планавалася сабраць з бацькоў, мяркуючы па дакуменце, вар'іравалася ад 100 тысяч рублёў для настаўнікаў музыкі і псіхалогіі да паўтары мільёнаў для выкладчыкаў гісторыі і матэматыкі.