Хабенскі ледзь не загінуў падчас здымак камедыі
11- 11.04.2014, 12:46
- 26,486
42-гадовы акцёр Канстанцін Хабенскі ледзь не загінуў падчас здымак новай расейскай камедыі "Авантурысты".
Як піша Heat.ru, Хабенскі ў карціне іграе прафесійнага дайвера.
Па задумцы рэжысёра, акцёру было неабходна апусціцца пад ваду, вычакаць 15 секунд, а затым усплыць.
Аднак на паверхні акцёр не з'явіўся нават праз хвіліну.
"Так атрымалася, што калі я сабраўся націснуць кнопку для ўсплывання на сваёй камізэльцы, высветлілася, што балон пусты, яго проста забыліся напоўніць паветрам. Гэта значыць усплыць я не мог, - распавёў акцёр .
"Некалькі секунд - шок. Дзякуй богу, што ў пачатку здымак мы праходзілі інструктаж. Атрымалася неяк супакоіцца і прыйсці ў сябе.
Калі апускаешся, акрамя ўсяго абсталявання ёсць яшчэ спецыяльныя грузы, якія падтрымліваюць цябе на глыбіні. І тут я ўспомніў, што трэба адшпіліць гэтыя грузы, і тады сяк-так ёсць шанец усплыць", - адзначыў ён.