Міхалок звярнуўся да чытачоў charter97.org: «Справа - за вамі!»
14- 11.04.2014, 22:03
- 39,404
Лідар «Ляпіса Трубяцкога» распавёў аб планах гурта.
Зварот да чытачоў сайта charter97.org ён зрабіў перад сваім выступам на канцэрце «Салідарныя з Беларуссю», які прайшоў у Варшаве ўвечары 11 красавіка.
«Яшчэ раз паўтару словы, сказаныя раней. Так, сапраўды, гурт «Ляпіс Трубяцкі» напісаў вельмі шмат баявых песень, пад якія трэніруюцца сапраўдныя баявыя калоны і выходзяць біцца з ворагам. Тут з Дон Кіхотаў паэтычных фармуюцца Дон Кіхоты натуральныя, фізіялагічныя. Шмат песень было напісана для барацьбы і для перамогі. Цяпер, хлопцы, справа - за вамі. А мы будзем пісаць песні для будаўніцтва мірнага шчаслівага жыцця ўжо пасля перамогі», - сказаў Сяргей Міхалок.
Гурт «Ляпіс Трубяцкі» перад выступам на канцэрце сустрэўся з лідарам грамадзянскай кампаніі «Еўрапейская Беларусь» Андрэем Саннікавым і галоўнай рэдактаркай сайта charter97.org Наталляй Радзінай.