ЗША далі Украіне $1 мільярд
11- 14.04.2014, 16:52
- 6,898
Урады Украіны і ЗША падпісалі пагадненне аб прадастаўленні фінансавай дапамогі ў памеры аднаго мільярда даляраў.
Пра гэта сказаў прэм'ер-міністр Украіны Арсеній Яцанюк, перадае УНН.
«Сёння ў Вашынгтоне падпісанае пагадненне паміж урадам Украіны і ўрадам ЗША аб атрыманні 1 млрд дал. дапамогі», - сказаў Арсеній Яцанюк.
Ён таксама праінфармаваў, што таксама сёння ЕЗ прыняў два рашэнні.
«Першае рашэнне аб вылучэнні 2 мільярдаў даляраў макрафінансавай дапамогі. І другое рашэнне аб адкрыцці рынкаў для ўкраінскіх тавараў у аднабаковым парадку, дзе фактычна Украіна атрымлівае бяспошліннае права ўвозу сваіх тавараў на тэрыторыю ЕЗ», - сказаў прэм'ер.
Ён таксама адзначыў, што дзякуючы гэтаму эканоміка Украіны атрымае 500 мільёнаў даляраў дадаткова.