Еўрадэпутатка: Паліна Шарэнда-Панасюк і іншыя палітвязні павінныя быць неадкладна вызваленыя
4- 3.05.2024, 12:04
- 4,012
Рэжым Лукашэнкі здзекуецца з вязняў сумлення.
Еўрадэпутатка ад Фінляндыі Хэйдзі Хаўтала звярнулася да беларускіх уладаў. Яна заклікае Менск неадкладна і безумоўна вызваліць актывістку грамадзянскай кампаніі "Еўрапейская Беларусь" Паліну Шарэнда-Панасюк і іншых палітвязняў. Пра гэта яна піша ў Twitter:
While #Lukashenko grandstands to loyalists and talks up imaginary threats, opposition activists are left to rot in solitary confinement and face severe mistreatment. Palina Sharenda-Panasiuk and other political prisoners in #Belarus must be freed immediately and unconditionally. pic.twitter.com/51gJzClDMU
— Heidi Hautala (@HeidiHautala) April 26, 2024
— У той час, як Лукашэнка апраўдвае сваіх прыхільнікаў і кажа пра ўяўныя пагрозы, актывістаў апазіцыі пакідаюць гніць у адзіночных камерах і жорстка з імі абыходзяцца.
Паліна Шарэнда-Панасюк і іншыя палітычныя вязні ў Беларусі павінныя быць вызваленыя неадкладна і безумоўна.
Актывістка грамадзянскай кампаніі «Еўрапейская Беларусь» Паліна Шарэнда-Панасюк зараз знаходзіцца ў калоніі ў гарадскім пасёлку Зарэчча (Гомельская вобласць). Паліна знаходзіцца ў поўнай ізаляцыі. У калоніі ў яе моцна пагоршылася здароўе.
Падтрымаць палітычную зняволеную можна па адрасе: Паліна Сяргееўна Шарэнда-Панасюк, ПК № 24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць.
