Саладуха назваў сябе алімпійскім чэмпіёнам
42- 14.04.2014, 16:55
- 19,948
Беларускі эстрадны спявак Аляксандр Саладуха падзяліўся сваімі бліжэйшымі творчымі планамі.
Пра планы ён распавёў у эфіры 1-га канала Беларускага радыё, піша «Прессбол».
«Пасля таго, як 8 сакавіка я сабраў аншлаг на «Менск-Арэне», у мяне ў планах зрабіць дуэт з Дар'яй Домрачавай. Я з ёй, праўда, яшчэ не размаўляў пра гэта, толькі з яе мамай. Яна перадала дачцэ маю просьбу, і пакуль Даша адказала адмовай. Маўляў, не мая гэта справа. Але, думаю, усё будзе нармальна, і яна, у рэшце рэшт, пагодзіцца.
Сабраць «Менск-Арэну» для беларускага артыста - гэта раўнасільна перамозе на Алімпійскіх гульнях. Гэта значыць, я як бы выйграў Алімпіяду. Ну, а з кім спяваць алімпійскаму чэмпіёну, як не з алімпійскай чэмпіёнкай?!» - адзначыў ён.