Лукашэнка ўключыў друкарскі станок

Аб'ём шырокай грашовай масы (ШГМ) у Беларусі на 1 красавіка 2014 года склаў Br202,855 трлн.

З пачатку года ён вырас на 4,9%, паведамляецца ў статыстычнай справаздачы Нацыянальнага банка.

У сакавіку ШГМ вырасла на 3,7% пасля росту на 2,6% у лютым, піша АФН.

Аб'ём наяўных грошай у звароце (грашовы агрэгат M0) склаў на 1 красавіка 2014 года Br12,111 трлн і знізіўся на 1,5% за студзень-сакавік 2014 года, у тым ліку на 1,1% за сакавік.

Актыўная рублёвая грашовая маса - грашовы агрэгат M1, які ўключае наяўныя грошы і бягучыя рублёвыя ўклады ў банках - склала Br34,997 трлн і знізілася на 5,7% у студзені-сакавіку (у сакавіку зафіксаваны рост на 2,6%.

Рублёвая грашовая маса (грашовы агрэгат М2*), якая акрамя агрэгата М1 уключае тэрміновыя рублёвыя дэпазіты, сродкі насельніцтва і юрыдычных асоб у рублёвых каштоўных паперах, у студзені-сакавіку вырасла на 4,0% і на 1 красавіка склала Br82,529 трлн (у сакавіку рост склаў 2,9%).

У тым ліку, аб'ём тэрміновых рублёвых дэпазітаў склаў Br45,219 трлн, павялічыўшыся на 12% за студзень-сакавік (у тым ліку на 2,8% за сакавік). Пераводныя дэпазіты на 1 красавіка склалі Br22,885 трлн, знізіўшыся на 7,7% за студзень-сакавік (у сакавіку зафіксаваны рост на 4,7%).

Грашовы агрэгат М2 - грашовая маса ў нацыянальным вызначэнні (з якой выключаны сродкі насельніцтва і юрыдычных асоб у рублёвых каштоўных паперах) - на 1 красавіка 2014 склаў Br80,216 трлн, павялічыўшыся на 3,5% з пачатку года (у сакавіку рост на 2,7%).

Рублёвы эквівалент валютных дэпазітаў у студзені-сакавіку вырас на 4,9% (у сакавіку рост на 3,6%) і на 1 красавіка склаў Br112,719 трлн.